Fyrsta Everton treyjan sem Gylfi Þór Sigurðsson áritaði var boðin upp fyrir skemmstu á Fótbolti.net. Hæsta boð hljómaði upp á 220 þúsund og rann allur ágóði til Hugarafls. Gylfi sem átti stórleik og skoraði 2 mörk í sigurleik gegn Úkraínu á þriðjudagskvöld, varð nýverið dýrasti leikmaðurinn í sögu Everton þegar hann gekk til liðs við félagið frá Swansea á 45 milljónir punda. Á sama tíma varð Gylfi dýrasti íslenski leikmaðurinn í sögunni.
Hugarafl þakkar Fótbolta.net, Gylfa og styrktaraðilum sem áttu hæsta boðið í treyjuna kærlega fyrir framtakið og stuðninginn sem kemur sér vel í starfi samtakana þessa dagana.