HUGARAFL og Árni Tryggvason efna til opins fundar um geðheilbrigðismál í Norræna húsinu í dag, sunnudag 25. maí.

Tilgangur fundarins er að varpa ljósi á fleiri leiðir í bata geðsjúkra og aukna valmöguleika. Þá verður rætt um hvort stíga megi fleiri skref í þjónustu og þróa fleiri brýr á milli stofnana. Jafnframt verður rætt um að fara „hálfa leið“ í meðferð, sem ekki byggir á stofnanalegum gildum. Fyrirlesarar eru Árni Tryggvason leikari, Herdís Benediktsdóttir frá Hugarafli, Pétur Hauksson geðlæknir, Eyrún Thorstensen hjúkrunarfræðingur, Jón Viðar Jónsson gagnrýnandi og Elín Ebba Ásmundsdóttir iðjuþjálfi en umræður verða í lok fundar.

Fundurinn stendur frá 16.30 til 18.