Samtökin Hugarafl, sem eru félag fólks sem notar geðheilbrigðisþjónustu stóðu fyrir táknrænum mótmælum fyrir utan Kínverska sendiráðið.

Samtökin Hugarafl, sem eru félag fólks sem notar geðheilbrigðisþjónustu stóðu fyrir táknrænum mótmælum fyrir utan Kínverska sendiráðið í dag.

Fólkið var með grímu fyrir andlitinu til að vekja athygli á því að kínversk yfirvöld skyldu meina geðfötluðum að sækja ólympíuleikana í Peking.

Herdís Benediktsdóttir félagi í Hugarafli segist meira forviða en sár út í kínversk yfirvöld sem segja geðfatlaða ekki velkomna á ólympíuleikana. Hún segist hinsvegar sár út í forseta Íslands sem verði viðstaddur leikana fyrir að vekja ekki máls á þessu mannréttindabroti með afgerandi hætti.