KLIKKAÐ kaffi og bilaður bakstur var meðal þess sem boðið var uppá á Geðveiku kaffihúsi í Pósthússtræti síðastliðinn laugardag.

Kaffihúsinu var komið á fót af Hugarafli í tengslum við List án landamæra.

"Þetta er í annað sinn sem við stöndum fyrir þessu en List án landamæra gengur út á að allir vinni saman án aðgreiningar," segir Auður Axelsdóttir hjá Hugarafli.

Auk kaffis og bakkelsis var boðið upp á geðgreiningu, tónlist og ljóðalestur á kaffihúsinu.

Að sögn Auðar var viðburðurinn vel sóttur.

"Það var fullt út úr dyrum allan tímann."