Hér fyrir neðan kemur listi yfir öll þau verkefni sem Hugarafl er að vinna í. Hafið í huga að þessir fundir eru einungis fyrir meðlimi Hugarafls. Til að gerast meðlimur í samtökunum Hugarafl þarf að hafa samband við okkur í síma 414-1550 og óska eftir forviðtali.

Heimasíðunefnd / Ritnefnd: Þessi nefnd sér um að viðhalda heimasíðu Hugarafls og að sjá um að síðan sé reglulega uppfærð. Þessi nefnd hefur einnig það hlutverk að prófarka lesa allt það efni sem fer inn á vefsíðuna. Nefndin hefur einnig það hlutverk að fylgjast með þýðingum á erlendu efni. Nefndin hittist einu sinni í viku á þriðjudögum kl 12:00.

Bæklinganefnd: Þessi nefnd hefur það hlutverk að sjá til þess að nóg sé til af bæklingum sem Hugarafl sér um og gefur út. Þetta á bæði við um bæklinga sem eru prentaðir í Hugarafli og þá sem eru prentaðir í prentsmiðju. Nefndin hittist einu sinni í viku á miðvikudögum kl 10:00

Samherjar: Samherjar eru einstaklingar sem hafa hlotið þjálfun í samtalstækin og teljast hæfir til að taka viðtöl við einstaklinga sem þurfa á aðstoð að halda. Samherjarnir hittast einu sinni í viku á fimmtudögum kl 12:00. Á þessum fundum er viðtölum úthlutað í samræmi við þarfir þess sem óskar eftir viðtali.